مش رجوله منــــــــــــــــك!!!!

مش رجوله منــــــــــــــــك!!!!

- مش رجولة منك تعاكس واحدة ف الشارع (أياً كان لبسها) لمجرد انها لوحدها رغم انك عارف كويس جداً انها لو كانت ماشية مع واحد عمرك ما هتعرف تبصلها (أياً كان لبسها بردو) وبعدين ليه تعاكس !!!!!!!

-مش رجولة منك انك تبتسم ف وش خطيبتك أو زميلتك ف الكلية لحد ما يجيلك شد عضلي ف وشك وترجع البيت متحاولش تبص ف وش أمك أو ابوك أو حتى تكلمهم وبردو تقول عايش وحيد ومحدش فاهمنى !!!!!

-مش رجولة منك تسقّط البنطلون ولما تتسأل ليه تقول بكل بساطة علشان حجره ضيق وانت عارف كويس اوى انها موضه عاميه وانت بتقلدد بس !!!!!!!!!

-مش رجوله منك انك تفضل ماسك السجاره طول اليوم وانت لسه بتاخد مصروف من ابوك ويا فرحتى تقول محدش له دخل انا راجل .. من امته كان التدخين رمز الرجورله !!!

-مش رجوله لما تسمع اللي بيحصل في فلسطين وتقول وانا مالي لما يبقوا ييجوا مصر وانت اصلا عايش ف كل حاجة فحياتك كدا وحتى لما يجو مصر هتقول لما يجو البيت !!!!!!

- مش رجوله لما تبقي عارف انك غلطان وبتكابر لمجرد انك مش عايز تقول اني غلطان ..طب ليه هو مين فينا مش بغلط .. الراجل اللى يعرف غلطة ويصلحة مش بالمكابرة !!!!!!

- مش رجوله انك تكدب علي حد لمجرد انك تضحك او تتريق وتستخف بعقل الناس ع الفاضى خليك مسؤل انت راااجل !!!!!!!

- مش رجوله لما تقف ساعتين تتخانق مع واحد صاحبك عشان هو اهلاوي وانت زملكاوي ..في حين انك مش هتقف خمس دقايق تكلم في مساله دينيه ... ويمكن حتى مبتصليش !!!!!!!

- مش رجوله منك لما تقف تتجادل مع واحد اذا كان عمرو دياب احسن ولا تامر ..مع انك لو حد بيتكلم عن اى حاجة مفيدة تتريق ويمكن تشتمة !!!!!!!!

- مش رجوله لما تضرب واحد اصغر منك في الجسم مع انك هتبقي كتكوت لو هو اكبر منك حبتين مع انه نفس الموقف .. فالرجوله مش انك تتعالى ع الناس كلنا بشر!!

-مش رجولة منك انك تتريق على اللي رايح واللي جاي لمجرد التريقة وكل واحد فينا فيه العبر وناسي اننا مش ملايكة وانك لو دورت شوى هتلاقي زيك زى الناس !!!!!!!!!

-مش رجولة منك لما تكون قاعد ف مواصلة وتلاقي راجل كبير مش قادر يقف ومتقوملوش.... وتكبر دماغك ولا كانك شايفه !!!!!!!!!!!

-ومش رجولة خااااااااالص انك تكون ف نفس المواصلة وتشوف بنت أو ست كبيرة الناس عمالة تعدي من جنبها وتخبط فيها وانتا قاعد كالثلجة الشمالية ولا فدماغك وناسي انك راجل !!!!!!!!
مش رجوله ابداااااااااا يبقي الاذان بياذن حى ع الصلاه وانت واقف تعاكس ف البنات ولا قاعد ع النت وناسي ان ربك بيناديك .. وناسي ان هوة اللى خالقك ودا واجبك !!!!!!!
وكمان مش رجوله ابدا توعد و تلعب بقلب دى و دى تحت شعار الحب وانت اصلا بتتسلى وناسي ان بنات الناس مش لعبه حتى لو هم اللى غلاطنين ... طيب نسيت ان غلطان اكتر !!!!!!!
الخ....الخ....ألخ
وعموماً......في ناس الكلام مش هيأثر فيهم لسبب بسيط جـــــــــــــداً

ان الرجولة ملهاش قطع غيـــــــــــــــــــــــــــــــــــــــار....... ...عارفين ليه لان الرجوله كلمة ومعنى واساس شخصيه ف كل فعل او عمل ف الدنيا مش مجرد كلمـــــــــة

صح كلامك بجد صح

[size=21][size=21]
صح كلامك بس مش كل الشباب كدا
فى ناس محترمه جداٌ ومعلش يعنى
انتى بتقولى مش رجوله انك تشوف
بنت لابسه ومش تعاكسها مهو معلش
فى الكلمه قلت ادب من البنت وبتبقى
نازله الشارع بتدور على اى شاب يعاكسها
وقفالى قدام المرايه 3سعات ولبس ضيق ووحش
يعنى هيا لو محترمه ولبسها كويس ومحافظه على نفسها
وربنا الشاب الى هيشوفها هيحترمها ومهيقدر يبوصلها
لانه شايف قدامه انسانه كويسه انما سورى الى بيحصل اليومين
دول حاجه مش حلوه وربنا انا شوفت بنات بتعاكس ولاد وبنات
بتطلب ارقام ولاد ومقضينها شغل الله ينور وزى مهو
مش رجوله من الولد انه يعمل الحجات الصح الى انتى قولتى عليها
مقدرش اختلف معاكى فى كلامك لانك صح
بس مش ادب من البنت انها تعمل كدا بردو اتمنى محدش يزعل من كلامى

[/size][/size]

كلامك صح بس مش الكل تعمم القاعده عليهم اول حاجه
وتاني حاجه بس احنا يلي بنصنع الرجوله للراجل لانه في حاجه اسمها وراء كل راجل عظيم امراه

يعني لينا تاثير كبير اوووى بالحياه مهمين نعمل ايه

لا ياهيما بصى ياخويا
هما من الاتنين
بس بردو الولد لو هى لبسها اسدال بتتعاكس ملحفه بتتعاكس
انا ساعات بنزل بلبس واسع وبردو بتعاكس يعنى نلبس اى تانى والنبى
العيب فيكو انت

هو موضوع جميل وكلامك صح
بس بردة فى سعات من البنات هى الى بتلفت النظر للشباب
يعنى عارى ضيق بيتلفت النظر يعنى وفى بردة مؤدبين ولبسهم واسع على
راى لماضة بردة بنتعاكش بش يا هيما فى بعش الشباب المؤدبة وشباب لا