طريقه عمل اللحمه بالبصل

السلام عليكم ورحمه الله وبركاته

انهارده انا جيبتلكم طريقه اللحمه بالبصل ويارب تعجبكم وبالف هنا وشفا

المقادير: نص كيلولحمه -ثمره بصل-فص توم -معلقه زيت -معلقه سمنه بلدى -فلفل-ملح-بهارات .

التحضير:

اول حاجة بتجيبى اللحمه وتغسليها كويس وتجيبى معلقه سمنه بلدى وشويه زيت وتشوحى فيهم اللحمه لحد ما لونها يتغير وبعد كدا تضيفى البصل المفروم
شوفى انتى حسب رغبتك ف كميه البصل حسب كميه اللحمه اللى عندك
وتقلبى البصل مع اللحمه كويس لحد مايدبل شويه وبعد كدا تجيبى فصين توم مدقوق وتحطيهم على اللحمه والبصل وتقلبى .
وكل دا على نار هاديه من اول ما تحطى اللحمه ف السمنه لحد ماتحطى فصين التوم تفضل النار هاديه مع التقليب .
وكل اما اللحمه تتشرب من ميتها تزودى شويه ميه صغيرين
شويه بشويه عشان اللحمه متبقاش زى المسلوقه لو حطتلها ميه كتير
وبعد كدا تضيفى الملح والفلفل الاسود وبهاارت اللحمه وتقلبى لحد ما اللحمه تستوى كويس اوى وبالهنا والشفا
ممكن تستبدلى البصل بالتوم للى مش بيحب اللحمه بالبصل
يعملها بالتوم.

والف هنا

ناااااااااااايس طبخه يله بقى همتك
واعزمينا عليها

ياسلام انتى تأمرى ياقلبى انتى

نورتى دندن

» طريقه حبك من برجك
» طريقه عمل فراخ بانيه
» طريقه عمل الايس كريم
» طريقه عمل كباب خروف عيد الاضحى
» ** طريقه عمل الكعك العيد بالعجينه على الطريقه المصريه**