كله الا كده يامصــــــــــــر

بدون مقدمات ندخـل فى الموضوع

طبعا كلنا عاصرنا طوابير العيش .... وطوابير التأمنيات ....... والمعاشات
( رغم التقدم الفظيع فى كروت شحن الموبيلات من جميع الفئات من خمسة الى خمسين )
الا اننا لحد الان مفيش فيزا كارت لكل مواطن ... ما علينا اصل احنا شعب بنعشق الطوابير ...
. دا حتى فى المعرض الدولى للكتاب كنا بنقف طوابير للتفتيش لحد ارهابى
يخش يفجر المعرض

.....دا وانت داخل اوركيدا علشان تتغذا هتقف طابور وتتفتش برده ....
والله دا كله ومستحملين ....
لو دخلت اى مستشفى حكومى هتشوف المرضى يتألمون من الاوجاع
والممرضين مسخسخين من الضحك ...
وتشوف الممرضة تدي الدواء للمريض وهى تضحك وتقول لصحبتها

( شوفى البت الهام اتخطبت لثالث مرة ومرجعتش الشبكة لخطبها التانى )

عادى برده وقولنا ما علينا
لما كليو الرز يكون 4 جنية والسكر يوصل 5 جنية عااااااااادى جدااا والطماطم
وصل سعرها الى 10 جنيهات
هنشترى وناكول رغما عن انف اى مخلوق.....
الشوراع مليانة زبالة ونقول عاااادى الشعب هوة الى غلطان
بيرمى الزبالة فى الشارع عيب كدا عليه ....
لما نلاقى لكل مواطن مغنى ومغنية عادى جداا بيمتعوا الشعب كتر الف خيرهم .......

بس لما تروح بيتك وتتغدا جبنة رغم وجود اللحمة وتسال ممتك بكل بساطة لية كدا يا ماما .
. وترد هى بكل بساطة بردوة اصل مفيش انابيب .... لا مصر كله الا كدا حرام بجد
أتغدى جبنة ليه أنا يامصر؟؟

وأظن أن هذا أبسط حقوق للمواطن المصري فى هذا المجتمع..فلوس ومفيش..
وظايف ومفيش..عيش ومفيش..ولما حتى نتغلب على همومنا ونجيب حتة لحمة منعرفش نطبخها؟؟

عيب عليكى والله يا مصر

وعيب لما يطلع الوزير يقول نستخدم القش والبوص زى زمان
طيب والله لو استخدمنا القش والبوص هتحصل علية ازمة زى الانابيب

على العموم انا حمدت ربنا ان احنا عندنا غاز طبيعى كان هاين عليا فى الازمة
دى اقوم اصلى ركعتين شكر لله على ان الغاز فى مواسير فى بيتنا
بس بجد بجد

عمار يا مصر .... عمــــــــــــار

بجد هم يضحك وهم يبكي

عادى اتعودنا على الذل والفقر

ربنا يصلح الاحوال في مصر قريبآ