تعالى اتعلم ازاى تروح تخطب (حصرى)

ازيكم يا شباب عاملين ايه يارب تكونو بخير

انهارده كتبتلكو موضوع هيفيدكو ان شاء الله

بما انى بنت وبلا فخر هعرفكو ازاى تروحو تخطبو لانى عرفاكم ولا تعرفو حاجه

فالحين بس تسبيل ومعاكسات وتيجو عند الخطوبة وتدخل بدعى الوالدين

المهم طبعا الخطوبة دى ليها اتيكيت فانا هعلمكو الاتكيت ده عشان نقلك مبروك قريب

اول حاجه هنفكر فيها طبعا الطقم هتاخد الحتة الى على الحبل وتلبسها

حتى لو كانت من على حبل الجيران بس تكون حاجه محترمة وشيك

لان اول حاجه هيبصولها المنظر العام لازم يكون الطقم لايق على بعضه

اوعى ياخويا تلبسلى بنطلون جينز وتسقطه وتوقف شعرك بلجيل لاا والف لاا انا قلت اهو

بعدين بقا تنسق الهدوم بتاعتك مش تلبس الوان الطيف لا

تلبس مثلا بنطلون محترم وقميص حلو وجاكيت عليه مثلا

وشوز متلمع وشراب لايق مع الطقم ايوه عشان الشراب

هو الى بيحدد الموقف متستغربش هما اول حاجه هيبصلها
الشوز عشان الراجل بيبان من شوزه

شوزه مين ده ما علينا

وبعدين لبست الطقم طبعا وحتما ولازم وعلى الله متعملش الخطوة دى

لازم تدخلهم وفى ايدك حاجه مش هتروح طرزان كده

على الاقل علبة جاتوه او علبة شيكولاته محترمة

وبعدين هنتكلم بقا فى الخطوة الى هيا هتاخد مين معاك

طبعا ياريت الى هتاخدهم معاك ميكتروش عن نفرين

مثلا ممتك وباباك او حد كبير من العيلة واياك اياك تاخد معاك عيال

ولا مرات خالك تقلك هاجى معاك وتسحب وراها العيال لا

احنا مش رايحين النزهة احنا رايحين نخطب

وطبعا بقا نيجى لخطوة المواصلات لو معاك عربية خير وبركة

لو معكش عربية تركبو تاكسى محترم ينزلك تحت البيت

حتى لو هتاخده من اول الشارع لازم تبين فخامتك الاول

بعدين هتطلع السلم انت والى معاك تبقو مع بعض وتقفو على الباب

مع بعض بلاش تخبط انت الاول والى معاك لسه طالع على السلم

المهم دخلتو هتسلم على الى قاعدين وهتعد ومش هتعد تبص حواليك

لا تثبت عينك فى حتة واحدة هما طبعا هيحطو حاجه سقعة

مش هتعد تقول لا ربنا يخليكو لسه شاربين لسه واكلين

لا هيحطوها تقول شكرا وتمسك الكوبيا وتشرب بوق صغنون

مش تكربع الكوبيا على بق واحد تروح حاططتها فى الصينية

براحه تمام كده لحد كده تمام

لو حطو جاتوه يفضل انك متاكلش منه عشان حتما هيحطو من الجتوه

الى انت جايبه

بعدين بقا لو انت بتحب الهزار متهزرش فى الوقت ده

ومتعدش تكهكه على الفاضى والمليان حتى لو حد قال حاجه مضحكة

تكفى ابتسامة بس او ضحكة بصوت واطى

وبلاش الرغى الكتير متخرجش عن حدود الموضوع الى انت جايله

نتكلم فى الخطوبة بس

طبعا بعد ماتكلمنا فى الخطوبة وخلاص هيسبوك تعد مع العروره شوية

بلاش تسال اسئلة كتير وبلاش تحكى قصة حياتك

واما العرورة تسئل سؤال ترد على قده مش تعد تفتح موضوع من السؤال

واخيرا هتقوم تمشى ونقولك الف مبرووووووووك

لولولولولولولى

استنى ياخويا رايح فين بعد كل ده وطالع كده انزل تحت وضيف رد

ملحوظة كلبوظة\ مش مسامحه اى حد ياخد الموضوع وينسبه لنفسه على الاقل كلمة منقول

مع السلامه

هههههههههه افكار حلوه لمضه
اهو كدا ضمنا عريس مثالى مش زى بتوع اليومين دول
تسلم الاياااااااادى يا قمر

ضمناااة 100%100 كماااان
يلا قريب ونقول مبروك
نورتى ياموزة