ابنك مات شهيد وعلى ارض بورسعيد

يا بلدى من فرحتى جريت على الماتش عشان اشجع
لقيت عندى احساس انى هموت شهيد
وعلى ارض بورسعيد .. هموت ومش هرجع فى حضنك يا امى
هموت وانا شهيد .. كنت بودعك يا امى .. وبقولك اشوف وشك بخير
كانت مش عوزانى اروح الماتش .. بس انا مش سمعت كلامك وروحت
كنتى خايفه وقلبك بيوجعك .. وحاسه ان فى حاجه هتحصل ..
بس يا امى من فرحتى . شلت علمى ولبست تشرتى الاحمر
وخرجت .. سمحينى يا امى .. سمحينى ..
كنت بقول انى هرجع .. بس انا رايح للى خلقنى
مش تبكى يا امى .. ابنك مات شهيد
امى انا بتشاهد فى بورسعيد روحى جيبى جثمانى
ومش تزعلى انا موت شهيد
وقولى لاخواتى مش يروحو ماتش تانى .. وعرفيهم انى موت شهيد وانا رايح اشجع النادى الاهلى
مش تزعلى يا امى ابنك مات شهيد وعلى ارض بورسعيد

اسف ليكي يا امي علي نزول دمعتك ...... مهوا انا مكنش قصدي افارق بسمتك
انا يا امي ...كنت رايح امان في امان ......... انضربت يا امي والضرب كان مهان
معلش مهوا الي ضربني كان غليل .........انسان ملوش مله ولا دين زي اسرائيل
كنت شهم و رافع علمي بأيدي ........... بس هوا دا نصيبي اعمل ايه مش بايدي
...
... قولي لاخواتي ان موووت بريء ............... بصو لقدام انا نوووور لكشف الطريق
طريق كله فساد ومحسوبية .............. معلش مهيا البلد بقت اغلبها بلطجية
بلدي خلاص يا امي مليش مكان فيها .......... ولا لاي حد زي بريء يقدر ينام فيها
هشكيلك اية ولا اية يا امي .............. اشوفك علي خير ومتزعليش علي فراقي
هيوحشني اوي حضنك يا امي ............ متنسنيش ولا ثانيه من دعائك يا امي
اسف ليكي يا امي علي نزول دمعتك ...... مهوا انا مكنش قصدي افارق بسمتك

» تعظيم سلام لكل شهيد