إلى كل بنت رسالة الي زوجي المنتظر

إلى كل بنت

رسالة الي زوجي المنتظر ...
...
..
..
..
... ..
تحية طيبة وبعد ,,
طبعا مش هقدر أقولك وحشتني .. لأني لسه معرفش انت مين .. وبالتالي لسه مخدناش علي بعض
زوجي العزيز ..
أنا يمكن مش عارفة انت هتكون مين ..
بس عارفه انك هتكون بالنسبه ليا ايه..
طول عمري مقتنعة ان الناس زي ما تكون واقفه علي محطة قطر مزحومة ..
وكل واحد بيدور علي نصه التاني ..
منهم اللي بيلاقيه علي طول ..
ومنهم اللي بيحتار علي ما بيلاقيه ..
أوقات كتير بتيجي في بالي ..
وبفكر يا تري شكله ايه ؟؟
طب بيشتغل ايه ؟؟
طب بيعمل ايه دلوقتي ؟؟ مبسوط ولا زعلان ؟؟
يا تري أما بكون زعلانه بيكون حاسس بيا ؟؟
لدرجة أني أوقات كتير اما بكون متضايقه من غير سبب ..
بقول يمكن "هو " في حاجه مزعلاه ..
مش عارفه ليه حاسه أنكم بتقولوا عليا "مجنونة "
بس هو مش ربنا خلقنا وخلق لكل واحد فينا زوج عشان يسكن اليه ..

يمكن عشان أنا مقتنعه بحاجه جوايا ..
ان نصك التاني ده مرايتك .. يعني لو انت دلوقتي انسان كويس ومحترم وبتراعي ربنا
هو كمان هيكون كده .. وعشان كده مش بفكر أفكر في حد تاني
عشان بصراحه أنا بغير .. ومش هستحمل فكرة انك تكون بتفكر أو بتبص لواحده تانيه
أنا بس كنت عايزه أقولك اني بحبك من قبل ما أشوفك
بحبك عشان ربنا .. وبحبك عشان واثقه انك ان شاء الله هتكون تستحق انك تتحب
وبصراحه مخبيش عليك ..
انا في حاجات كتير اوي اما تيجي هبقي احكيلك عليها .. حاجات جوايا عمري ما قلتها لحد
ومش عايزه أقولها لحد عشان أقولهالك انت
هو انا كده هبقي بتقل عليك ؟؟
طب بس ما انا هسمعلك برضه وعمري ما هخليك محتاج لحد تاني من الدنيا ..
أوقات كتير أما بحس ان الدنيا قاسيه عليا ..
بدعي ربنا أنه يعوضني بيك ..
وبصراحه مخبيش عليك أنا مش مثاليه أوي يعني
يعني ساعات بتعصب .. وساعات بتقمص ..
بس مهو انت لازم تستحملني يعني
ما أنا برضه هستحملك ..
المهم في الأخر عايزه أقولك حاجة واحدة ..
...

ما دام انت كده كده جاي .. انجز بقي ":D
بهزر معاك .. انا مش مستعجله
أهم حاجه لحد ما تيجي .. أياك تبص لأي واحده
واوعي واحده كده ولا كده تضحك عليك
وربنا يوفقك في حياتك ان شاء الله

بجد ولله جميلة جدا

وانا دعيت ربنا انو يهديكى الذوج او الخطيب الى بتتكلمى عليه ده

اكيد مش انا عشان انا 17 سنة ههههههههه

وربنا يوفقك

انا بفكر نفس التفكير ده بالظبط و اقول يا تري ..هو دلوقتي بيعمل ايه ؟؟؟و زعلان ولا مبسوط؟؟؟
ربنا يقرب البعيد يااااااااااااااااااااا رب
اللهم يا جامع بين الناس في يوم لا ريب فيه اجمع بيني وبين زوجي الذي انت تعلم من هو يا الله عاجلا غير اجلا

وربنا يكرمك ياااااااااااااااا رب يا قلبي ويقرب اليوم اللي فيه تشوفي فيه زوج المستقبل يااااااااااااااااا رب

» عندما تصلك رسالة
» فى الوقت الذي مسك فيه موبايله لكي يرسل لها رسالة