اخطيت في حق قلبي يوم حبيتك

أخطيت في حقّ قلبـي يـوم حبيّتـك
الله يسامح خطـاي ويغفـر ذنوبـي

يا ليتني ما عرفت الحبّ ويـا ليتـك
ما كنت في يوم معشوقي ومحبوبـي

أو ليتني يـوم شفتـك مـا تمنّيتـك
قفلّت باب الغـرام ورحـت بدروبـي

غشّيت قلبي بلطفـك ليـن راعيتـك
وبديت أجاذبـك وألاطفـك بأسلوبـي

وبرمجت دقات قلبي حسـب توقيتـك
و لا همّني من يقول الوقت محسوبي

من كثر ما كنت أحبّك حيل سميّتـك
سيد المحبيّن مدري كـلّ مطلوبـي !

كم ليلـة ٍ مرّنـي طيفـك وناديتـك
أنا وشعر الغزل وهجوسـي العوبـي

وإليـا تولّتنـي أشواقـي توليّـتـك
يوم الغلا كان ذنبي وأكبـر عيوبـي

واليوم صبيّت لي مـرّك و حلتيتـك
خلاص فنجالك المصبوب مشروبـي

قامت تهبّ الهبايـب وأنهـدم بيتـك
والحبّ ضيّعت ماجوبـه وماجوبـي

لا تلتفت لي .. لا مرّيت وتعدّيتـك
انا عن أهل الدسايس نافض ٍ ثوبي !!

كلام جميل اوى
نايس توبيك
وفى انتظار المزيد

» يارتنى ماكنت حبيتك من تأليفى يارب تعجبكم
» سلو قلبي.....
» لية محافظتش على قلبي
» بعد حبيبي قلبي تاه
» حبيبي فداك عمري فداك قلبي فأنت حبي,,