واتارى الدنيا غدارة فعلا

يا لها من دنيا غريبه

وتغدر بأنسان فى اى لحظه
السؤال ؟؟؟؟؟؟؟؟؟ ايه اللى بيحصل فى الدنيا دلوقتى ده
ياترى العيب من الدنيا ولا من البنى ادمين ذات نفسهم

حاجات غريبه بقت بتحصل والواحد مش بياخد باله او بياخد باله وبيطنش

وهذه بعض امثله للتغيرات

كنا زمان نقول للضيف تشرف فى اى وقت
دلوقتى اتصل قبل ما تييجى
مش فاهمه هتفرق اوى يعنى لو رنينا او اتصلنا قبل ما نييجى ما الناس عارفه هنييجى الساعه كام وامتى
انا من رأيى انها قله ذوق

زمان كنا نأمل اننا نطلع دكاتره او مهندسين
دلوقتى اى شغل وخلاص انشاله زبال

كنا بنقول الجار قبل الدار
دلوقتى بنقول صباح الخير يا جارى انت فى حالك وانا فى حالى

كنا بنقول الاقارب عزوه
دلوقتى بنقول الاقارب عقارب

كنا بنقول مسلم وكافر
دلوقتى بنقول اسكندرانى وصعيدى وفلاح

كنا بنشوف بعض كل يوم ولو حد غب نتصل بيه نسأل عليه
دلوقتى لانتقابل الا فى الافراح او للتعزيه فقط لاغير

زمان كنا بنقول ده صاحبى ودى صاحبتى
دلوقتى بقينا بنقول دى واحده عرفتها فى الكليه

زمان كنا بنحب بعض ونتصل ببعض
دلوقتى لو حد رنيلنا على الموبايل نقول ايه الارف ده
وساعات بنكون عاملين اسماء غريبه للناس اللى مش بنحبها على الموبايل

من الاخر احنا بقينا حاجه تقرف

هههههههههه حلوه دى((من الاخر بقينا حاجه تقرف))

العيب فينا او في زمن حاجه من مفهومه بس الطيب ملهوش مكان فيها ... الدنيا بقت غابه والناس وحوش عايشه تاكل في بعض والشاطر يعيش
دايما بقول عباره:::

مشكوره يا دنيــــــــا