افضحنى وافضحك عشان الفضيحه تبقى بجلاجل

الموضوع اللي هاتكلم فيه يمكن يكون مهم جدا لبعض ناس ويمكن يكون مهم بس مش اوي لناس تانيين ويمكن يكون مالوش لاذمه عند الناس اللي مكبره دماغها (الروشه)

الموضوع بيتعلق بالموباايلات المحموله الممذوده بكاميرا (تصوير وفيديو) والمتاح لها نقل المعلومات اما بما يسمي بالبلوتوث او خاصيه ir

الموضوع ده بيتكلم عن الاستخدام السي للاجهزه دي
يعني البنت تكون واقفه في امان الله ييجي واحد من الشباب يصورها بوضع معين ويمكن البنت دي مش واخده بالها (فرضا للافضل ) ويمكن هي واقفه كده او قاعده كده بمزاجها
وبعد الصوره دي يتم تداول الصوره بشكل سريع اسرع من الصاروخ بين الشباب
( معايا صوره طلقه)
ويتم توزيع الصور فتكبر تكبر تكبر ويمكن في وقت ما توصل الصوره للبنت نفسها او لاي حد من اهلها
وغالبا بتكون الصور دي مصوره بعنايه فائقه ومركزه علي اشياء معينه (!!) لضمان سرعه النشر
ومعظم البنات دول بجد بيكون بنات ناس ومحترمات ومش واخدين بالهم
يعني في مول تجاري مثلا او في الشارع او كده

السؤال هنا يا جماعه

هل انت موافق علي هذه التصرفات الصادره من الشباب؟

ماتقييمك لهذه الظاهره المتفشيه بين الشباب بصوره منقطعه النظير؟

الجزء التاني بيتعلق بالتسجيلات الصوتيه علي هذه الاجهزه
شاب يسجل لبنت او شاب يسجل لشاب مكالمه ما ويتم الضغط عليه بالتسجيلات دي

وللاسف والله بجد للاسف
بيكون فيه تسجيلات من بنات في منتهي الانحلال وبنات مش شباب

وبتلاقيها عند صاحب محل اتصالات علي جهازه بينزلهم للناس
ومنهم مجموعه بنات بيغنو اغنيه معروفه بس مغيرين الكلمات لالفاظ قمه في الانحدار والتسيب

اهم شيء اشير له في هذا الموضوع

هل تقبل ان تكون رجل اعمال صاحب استثمارات كبيره جدا في عالم السيئات؟
اذا قمت بارسال صوره ما او مقطع ما صوتي كان وا خلافه لاي من الشباب فبذلك تكون فتحت لك حساب سيئات كل ما اي شخص يرسل او يستلم الصور دي بتاخذ سيئات عليها

اللهم اني قد بلغت اللهم فاشهد

السؤال هنا
ما هي اسباب هذه الحاله الموحله التي سقط فيها شبابنا؟
ماهي اقتراحاتك للحد من هذه المشكله ؟

ماتخيلك لو سقطت (لاقدر الله ) في فخ من هذه المشكلات؟