كلمـة بيئة دي أكتر كلمة بَكرهـها فـ حياتي :@

متقولش عَليهُـم بيئة ..

كلمـة بيئة دي أكتر كلمة بَكرهـها فـ حياتي :@

- نـاس واقفة بتتصور فـ سيتي ستـارز بـ موبايل ..
إيه داعي إننـا نضحك عَليهُـم !
إيه داعي إننـا نقول عَليهُـم بيئة !

والله معلش أنا عارفة إنهـا صدمة ,, بس مش كُل النـاس بتلف العَـالم وتاخد صور جنب ميكي ماوس فـ الديزني لـاند
لو بيتصوروا فـ المول فـ ده لـأن ده المكان الوحيد اللي يقدروا يروحوه ..
وبيتصوروا بمويايل لـأنهـم ممكن يعيشوا ويموتوا قبل مايمتلكوا نص ثمن الكاميرات إللي احنـا بنتصور بيهـا ..

كلمة بيئة دي ثقافة متخلفة :@ !!
ثقافة خلت إنك تبقي جامد لمـا تسافر أوروبا فـ الصيف
وتبقي معفن لمـا تسافر إسكندرية تقعد علي شاطئ مجاني تستمتع بجمـال بلدك بدون تكلف

خلت إللي يتكلم لغة إنجليزية بطلـاقة يبقى ليـه الـأولوية فـ فرص العمل و يبقى كول
و إللي يتكلم لغة عربية بطلـاقة يبقى أهبل

خلت النـاس تقرف من البلد فـ شم النسيم و الـأعياد عشـان الناس البسيطة بيقدروا ينزلوا و يخرجوا
بنضـايق من لبسُهُـم ,, من كلامهُـم ,, من انتشَـارهم ,, وعُمـرنا مـابنتلفت للسعادة إللي على وشهُـم

لو صورهُـم فـ المول هتسعدهم .. لو نزولهـم البحر بهـدومهم هيسعدهم .. لَـو أي حاجة بيعملوها بتسعدهم ..
يبقى مش من حقنا نحكم عليهم أنهـم بيئة عشان بيفرحوا بـ الطُرُق المُـتاحة قدامهم

- شيل الكلمة دي من قاموس حياتك
وقدر النـاس و طبقاتهـم و بساطتهـم وافرح لـ فرحهـم وبصلهـم كويس
أكيد هتشوف شيء من الطيبة من الحب من العفوية من البساطة
أكيد هتشوف شيء من بلدك
شيء منك !

ساعتهـا بس هتحس إنك إنسان .. وإللي أقل منك إنسان .. وإللي أقل منكم إنسان ..
إنسان من حقه يفرح ويضحك من غير مَـاحد يبص عليه أو ينتقده لمُـجَرد إنـه مدفعش مينيمم لضحكتة

فعلا عندك حق والله . المفروض ما نستغربش من أى حاجة نشوفها ومانحتقرش أى مشهد نشوفه مهما كانت الظروف أو الزمان أو المكان .

شكراااا ع الموضوع تسلم إيدك والله .

الله يسلمك حبيبت قلبى
نورتى التوبيك ياموزة

» كلمة بحبك اصعب ولا كلمة اكرهك اصعب
» بأي لون ألون حياتي
» ** بتنسيني حياتي لجمال ياسين**
» تلميذ يعرب كلمة مصر إعـــرابـــاً تدمع له العين
» عفوا لا يهتز لى شعرة واحده من كلمة أحبك